Samsung Galaxy S9 aur S9+ MWC 2018 mein se ek din pehle Sunday ko launch ho chuke hain. Ye to ab sabko pata hai ki inke cameras waakyi kaabil-e-taarif hain aur isiliye inke price bhi S8 ke mukaable upar jaane wale hain. Aur aaj ki khabar ye hai ki Galaxy S9 aur S9+ ke India price bhi leak ho chuke hain, jiske liye sabhi Indian Samsung fans excited hain.
In dono smartphones ke MWC mein launch ke saath hi India mein inki pre-bookings bhi start ho chuki hai aur iske liye aapko Samsung Online Shop par jaakar aapko 2,000 INR ki initial payment karni hai aur uske baad required details jaise ki apna naam, number, smartphone ka color, etc. fill karna hai. Iske baad aapko SMS dwara confirmation mil jayegi.
91 Mobiles dwara Samsung Galaxy S9 aur S9+ ke India price launch se pehle hi pata chal chuke hain. Galaxy S9 ke 64GB version ki MRP 62,500 INR hai, jabki iska discounted price 56,900 INR hai aur iske 256GB variant ki MRP 71,000 INR hai, DP 64,900 INR hai. Doosri taraf, Galaxy S9+ ke 64GB aur 256GB ki MRP 70,000 INR aur 79,000 INR hai aur inke discounted price 63,900 INR aur 71,900 INR hai.
Inke specs hum aapko bata hi chuke hain, India mein aane waale Galaxy S9 aur S9+ Samsung 9 series Exynos 9810 processor ke saath aayenge jinmein Mali G72MP18 GPU hoga. Galaxy S9 mein 12 MP ka rear camera hai, jbaki S9+ mein 12 MP ka dual rear camera setup hai aur front camera dono mein 8 MP ka hai.
Galaxy S9 aur S9+ mein 5.8 inch aur 6.2 inch ki QHD+ curved Super AMOLED Infinity display hai jo 18.5:9 display ke saath aayengi. Galaxy S9 mein 4GB ki RAM aur S9+ mein 6GB ki RAM di gayi hai.