Apne vaade ke anusaar, Xiaomi ne aaj India mein Mi TV 4A series launch kar diya hai. Company ke is series ke under 2 televisions announce kiye hain. Mi TV 4A 32 inch model ki kimat 13,999 INR hai, jabki iske 43 inch variant ki kimat 22,999 INR hai. Ye dono TVs 13th aur 16th March 2018 se sale ke liye available honge aur saath hi har week ke Tuesday aur Friday ko ye sale kiye jayenge.
Ab inke specs ki baat karein to Mi TV 4A 32 inch model, HD LED screen ke saath aayega aur 43-inch model full HD display ke saath aayega aur dono mein 178 degree wide viewing angles bhi moujood hain.
Mi TV 4A TV Android OS ke saath aayegi jis par PatchWall user interface ki layer hai. Xiaomi ke according in dono TVs mein 20W ke dome speakers hain jo ki specially Indian market ke liye design kiye gaye hain.
Saath hi in televisions mein 1.5 GHz quad core Amlogic Cortex A53 processor hoga jiske saath Mali 450 MP3 graphics diye gaye hain. Mi TV 4A 32 inch model mein 1GB ki RAM hai, jabki 43 inch model mein 2GB ki dual-channel RAM di gayi hai. Wahin dono models mein storage 8GB ki hi hai.
Mi TV 4A ke dono models mein 3 HDMI port hain, 2 USB 2.0 port hain, PDIF port aur saath hi Wi-Fi 802.11 b/g/n hai. Iske alawa Mi TV 4A ke saath bhi Mi Bluetooth remote aayega jismein 11 buttons hai aur iske dwara TV operate karne ke liye aapko TV ke thik saamne baithkar buttons dabaane ki bhi zaroorat nahin hai.