MWC ke ke doosre din, ASUS ne abhi abhi apni nayi Zenfone 5 series announce ki hai jismein three smartphones shaamil hain jinke naam Zenfone 5, Zenfone 5Z aur Zenfone 5 Lite hain. Zenfone 5 aur 5Z Midnight Blue aur Meteor Silver colors mein available honge.
Zenfone 5 and 5Z
Specifications ki baat ki jaaye to MWC mein launch hone waale Zenfone 5 aur 5Z mein 6.2 inch ki full HD+ 2.5D curved glass display hai jo 19:9 aspect ratio ke saath aayegi. In dono smartphones mein dual 12 MP rear cameras hain jo f/1.8 aperture, LED flash, Sony IMX363 image sensor aur 83 degree field of view jaise features ke saath aayenge.
Zenfone 5 aur 5Z mein front camera 8 MP ka hai jiske saath f/2.0 aperture, Real-time Beautification mode diye gaye hain. Saath hi inmein 3300mAh battery moujood hai jo ASUS BoostMaster aur AI Charging technology ke saath aayegi.
Zenfone 5 64 bit octa core Qualcomm Snapdragon 636 processor ke saath aayega jismein Adreno 509 GPU diya gaya hai. Ismein 4GB aur 6GB RAM options moujood hain jinke saath 64GB storage di gayi hai.
Zenfone 5Z Qualcomm flagship Snapdragon 845 chipset par chalega aur saath hi Adreno 630 GPU bhi hai. Ismein 8GB tak ki RAM aur 256GB tak ki storage hogi.
Zenfone 5 Lite
Ab baat karte hain Zenfone 5 Lite ki, ismein four cameras moujood hain. Zenfone 5 Lite mein 16 MP ka primary rear camera hai jismein Led flash light aur wide angle lens moujood hain, saath hi aap is se 4K video recording bhi kar sakte hain. Iska primary front camera 16 MP ka hai jismein bokeh mode bhi diya gaya hai.
Zenfone 5 aur 5Z ki hi tarah, Ismein bhi full HD+ resolution ke saath 19:9 display moujood hai aur ye Android 7.1.1 Nougat OS par chalta hai. Is smrtaphone ke right side mein power button aur volume rockers hain, jabki left edge par hybrid SIM slot tray di gayi hai.
Zenfone 5 Lite mein aapko 4GB ki RAM aur 64GB ki storage di gayi hai. Ise aap Black, White aur Red colors mein kharid sakte hain.