Har kisi ko life main koi na koi aisa zarur hota hai jis se vo apni zindagi ki har baat share kar sakta hai. Lekin fir bhi uske alawa kai raaz hote hai jo ap kisi se share karna pasand nahi karte.
Digital hoti is duniya ke jydatar raaz hmare mobile phone or laptop main hote hai. Aise main zaruri hai ki inke password ko kisi se share na kare. Kyuki apne mobile, laptop or social media ka password apne partner se share karna aapkomushkil main dal sakta hai. Aksar log apne rishte main secret nahi rakhte or password share kar dete hai. Lekin kai baar kisi zidd ke chalte, partner ke emotional blackmail kiye jaane par or ya fir kisi majboori ke chalte apko apka password share karna pad jata hai. Lekin apka password kab apke rishton ko khrab karne lagta hai yeh aapko pata hi nahi lagta.
Aise main zaruri hai ki apne password ko apne tak hi rakhe. Issey apne partner se bhi share na kare. Kyuki har kisi ka apna personal space hota hai or password share karna personal space ko kam karne lagta hai ya fir apke partner ko aisi baatien pata lag jati hai jo unhe nahi pata honi chaiye. Jiske chalte rishtey khatam hone ki kagaar par aa jaate hai.
  1. Password share hone ke kai kaaran ho sakte hai. Kai baar apko apke zaruri kaam ke chalte partner se apna password share karna pas jaata hai, to kai baar partner ki emotional blackmailing chalte yeh sab karna padta hai. Kai baar partner apna dabaav bana kar ya kai baar kisi bahaane se password puch lete hai. Or ek baar password pata lagne par apka mobile, laptop or social media ko khangalna shuru kardete hai.
  2. Dusron se apne password ko share karne se bachna asaan hai lekin partner se nahi. Aise main zaruri hai ap is situation se bach kar rahe. Password share karne se bachne ka sabse easy tarika aap bhi unse unke password ki demand na kare or unke personal space main dakhal na de. Saath hi apne social media related kaam khud hi karne ki aadat daale.
  3. Partner se password share karne se aapka personal space kam hone lagta hai. Password share hone se ek dusre ki zindagi main interference itna badh jata hai, ki personal space kam hone lagta hai or  jiski vajah se jhagde badhne lagte hai. Password share hone ke baad ussey badal diya jaaye tab bhi yahi problem bani rehti hai. Aisi situation main pyaar ki jagah shaq lene lagta hai or rishtey khrab ho jaate hai.
  4. Password share hone se partner ko vo sab kuch pata lagne lagta hai jo sirf aap tak hona chaiye. Or kai baar partner ek dusre ke messages padhna, comment padhna or social media ko handle karna shuru kardete hai. Aise main personal space kam hone se duriyan badhne lagti hai , jhagde badhne lagte hai. Isliye zaruri hai apne password ko safe rakha jaaye, secure rakha jaaye or kisi se bhi share na kiya jaaye.