Kal yaani ki 31st March ko existing users ki Jio Prime membership ka last day hai aur log ye soch rahe hain ki ye extend hogi ya nahin, hogi to kaise hogi aur iske ab kya benefits hone waale hain ?
Aaj in sab sawaalon ka jawaab Reliance Jio ne existing users ki Prime Menbership ko ek saal aur extend karke diya hai. Reliance Jio ne ye announce kiya hai ki pichle saal Jio ki Prime membership lene waalon ko 12 mahine ki aur complimentary service free di jayegi.
Last year Rs. 99 dekar 1 saal ke liye jinhone Prime membership li thi wo kal yaani ki 31st March ko khatm hone waali thi, lekin Reliance Jio ne use ek aur saal yaani ki 31st March 2019 tak extend kar diya hai aur iske liye aapko koi additional fees nahin deni.
Halaanki Jo naye customers ab Jio ki ye Prime membership lena chahte hain unhein ye Rs. 99 ki fees dene par milegi, jiska price last year ke mukaable kuch bhi increase nahin kiya gaya hai. Naye customers  Jio Prime membership ko 1st April se join kar sakte hain.
Is Reliance Jio Prime Membership mein aapko bahut saare attractive offers milte aaye hain jaise ki JioTV par 550 se jyada live channels, Jio music par 1 crore se jyada songs, Jio News, Jio Cinema aur sabhi Jio ke apps. Iske alawa sabhi tariff plans bhi Prime membership lene waalon ko discounted price par diye jaate hain. Saath hi company prime membership mein aur bhi kuch benefits add karne ki planning kar rahi hai.
Halaanki ye service complimentary hai par existing users ko ye service paane ke liye Jio app download karni hogi aur is 12 mahine ki complimentary membership mein apna interest show karna hoga. Company ke according ye ek limited offer hai lekin iske liye ab hi koi date announce nahin ki gayi hai.full-width